تحذير::لاتحرك الفأرة كثير لانك لو حركتها كثير راح ينزل كتاب جديد بعنوان (من حرك الفأرة الخاصة بي)) . وبعدين القصة فيها فئران يعني مو ناقصين!
طبعا عنوان الكتاب الصحيح هو (من الذي حرك قطعة الجبنة الخاصة بي؟) المعذرة ماكان عندي قطعة جبن فقلت اخليها تونة والمرة الثانية ان شاء الله بيكون زيتون.
صراحة انا زعلان على مؤلف الكتاب يعني ماحصل غير هالعنوان (من الذي حرك قطعة الجبنة الخاصة بي؟) طيب انا وش دخلني في قطعة الجبن الخاصة بك ياخي خلي الجبن في السوبرماركت على قول المثل ((خلي الجبن للجبان حتى لو اكل نصه)) ولا حطها في الثلاجة وقفل عليها, بعدين لزم تشتري جبن وتخلي احد يحركها ,, تصور انك تفتح يوم من الايام الثلاجة الي عندكم في البيت وتحصل واحد من اخوانك مثلا فتح الثلاجة في الليل وحصل علبة جبنة وحركها شوي, صحيت انت اليوم الثاني وحصلت علبة الجبنة مو في مكانها , وش تسوي فيه؟؟
انا انصحك انك تحرمه من الميراث حتى وان كان اخوك!