وصلني إميل (بريد الالكتروني)مكتوب فيه كلام كثير وفي اخر  الاميل  مكتوب عبارة بالخط العريض وباللون الاحمر (لاتوقف عندك انشرها) وطبعا انا اخذت الاميل وحطيته في طشت وطلعت السطوح ونشرت الاميل على حبل الغسيل مثل ماطلب مني صاحب الاميل.

. وان شاء الله راح اعطيه خبر اول ماينشف الاميل او اني اسوي له إعادة ارسال, يعني للاسف لازلنا نتخذ هذا الاسلوب في عملية النشر وياليت اننا ننشر شي حنا متأكدين منه بس انشر وماعليك, انا اتخيل لو ان هناك رسوم لرسائل البريد الالكتروني هل سوف تتوقع ان يمتلاء اميلك بالرسائل المحتويه على هذة العبارة . لا اتوقع ذلك. صراحة انا ضد عملية نشر الاميلات بالطلب يعني مايحتاج تذكر في اخر الاميل  عبارة انشرها ولاتتوقف عندك, لان العادة اي واحد يشوف اميل يعجبه يقوم باعادة ارساله لكن لما يكون الاميل الهدف منه انه يتم اعادة ارساله لاكثر من اميل فهذا غير مرغوب فيه  مالغرض من الزام المستقبل للاميل ان يقوم بإعادة ارساله؟ بل البعض قد يحذرك وينبهك ولو في يده سلاح يمكن يهددك بالقتل لو ماقمت بإعداة ارسال الاميل, يعني تخيل وصلك اميل ومطلوب منك إعادة نشره وانت مانشرته وش تتوقع راح يصير لك؟؟

اتمنى ودائما ماتمنى ان يكون هناك ثقافة في عالم الانترنت ولا يكون مجرد عبث للعابثين.