تحذير::لاتحرك الفأرة كثير لانك لو حركتها كثير راح ينزل كتاب جديد بعنوان (من حرك الفأرة الخاصة بي)) .  وبعدين القصة فيها فئران يعني مو ناقصين!

طبعا عنوان الكتاب الصحيح هو (من الذي حرك قطعة الجبنة الخاصة بي؟) المعذرة ماكان عندي قطعة جبن فقلت اخليها تونة والمرة الثانية ان شاء الله بيكون زيتون.

صراحة انا زعلان على مؤلف الكتاب يعني ماحصل غير هالعنوان (من الذي حرك قطعة الجبنة الخاصة بي؟) طيب انا وش دخلني في قطعة الجبن الخاصة بك ياخي خلي الجبن في السوبرماركت على قول المثل ((خلي الجبن للجبان حتى لو اكل نصه)) ولا حطها في الثلاجة وقفل عليها,  بعدين لزم تشتري جبن وتخلي احد يحركها ,, تصور انك تفتح يوم من الايام الثلاجة الي عندكم في البيت وتحصل واحد من اخوانك مثلا فتح الثلاجة في الليل وحصل علبة جبنة وحركها شوي, صحيت انت اليوم الثاني وحصلت علبة الجبنة مو في مكانها , وش تسوي فيه؟؟

انا انصحك انك تحرمه من الميراث حتى وان كان اخوك!

طبعا قصة الكتاب تدور حول اربع شخصيات  (سنيف و سكوري ) وهم الفأران  و(هيم و هاو) وهما قزمان.موجودين في متاهة ويبحثون عن قطعة جبن,صراحة مو متأكد من نوع الجبن هل هو جبن شيدر ولا حلوم . الكتاب فيه حكم ومعاني جميلة وانا انصح بقراته بس انا كان لي منحنى اخر مع الكتاب طبعا بعد ماقرات الكتاب وخلصت منه اول شي سويته فتحت الثلاجة وطلعت كل الجبن ورميته و اليوم الثاني طلعت الشارع  وجمعت كل القطط الي في الحي  ووصيتهم ما يخلون فأر في الحي الا وياكلونه. اجل يوم كامل وانا اقراء قصة سنيف وسكوري الي مسوي نفسه كلب بوليسي يشم رائحة الجبن من مسافة كيلو ولا الاقزام هيم وهاو الي كل شوي يخلعون نعليهما ويرتدونها مادري هالمتاهه الي كانو يمشون فيها كلها شوك ولا وش فيها,!!

من اليوم ورايح ارجوكم  لا احد يحرك شي مو له, خلي كل شي مكانه.. بعدين يطلع لكم القزم هيم ويصرخ ويحمر وجه ويقول ((من حرك قطعة الجبن الخاصة بي))؟؟

انت الان تبي تحرك الفارة علشان تقفل الموضع؟صح!؟ ..أرجوك لا تحركها

المرة الجاية ان شاء الله راح تكون قصتنا عن (شربة الدجاج) والمرة الي بعدها راح اجيب لكم كتاب طبخ.