الواحد من كثر ما يسمع عن كيف تغير حياتك و لاتدع احد يملأ فنجانك كأنك معزوم عند ناس انذال يعني لزم تقوم تصب لنفسك ولا تخلي احد يصب لك في الفنجان وقانون الجاذبية الي في كتاب السر اصبح الواحد حتى وان كان راضي عن حياته تجده يفكر في التغيير طبعا لم ادع انا هذا الامر يمر علي دون ان اخوض تجربة في عالم التغيير.
وكانت اول خطوة في التغيير انني اصير واحد كووووووووووول واول شي سويته رحت اركب تقويم اسنان طبعا قال لي الدكتور يابني ماينفعش انك تركب التقويم مع الشنب يصير شكلك غلط, وفعلا قد احد شاف واحد مركب تقويم اسنان ومعه شنب ؟؟ انا ماعمري شفت, خرجت من عند الدكتور ولم يزدني الا اصرار على التغيير وانني اصير واحد كووووول, وانا اتجول في الشارع بسيارتي وجدت مجموعة من الشباب يتزلجون في الشارع بجزم الي فيها كفرات, ربع ساعة والا انا في احدى محلات الرياضة واشتري لي الجزمة الي فيها كفرات ركبتها في رجلي ورحت اتزلج في الشوارع بدأت اوقف وشوي بدأت اتوازن لحد ماقدرت اوقف علي رجلي واتزلج طبعا وانا ماسك في الجدر لحد ماقدرت افلت يدي وبعدها قدرت اتزلج و انطلقت في الشارع مسرعا واردد ومن يتهيب صعود الجبال يعش أبد الدهر بين الحفر, وماكملت البيت الثاني ولا انا طايح في احدى الحفر طلعت من الحفرة وكلي اصرار وعزيمة واكمل المشوار و اتزلج واتجاوز السيارات وفجاة ولا قدامي اشارة ضوئية وكانت حمراء, وطبعا انا تعلمت كيف اتزلج ولكن ماتعلمت كيف اقدر اوقف ,لما شفت السيارات واقفه والشارع الثاني السيارات ماشية مسرعه بدأت اتخبط في السيارات الي جنبي مرة اضرب في باب السيارة هذة ومرة اضرب في الرفرف ومرة امسك في الزجاج ماتسمع غير صوت التخبيط في السيارات احاول اتمسك في احدى السيارات احاول اسوي اي شيء ولكن دون جدوى وصرت اردد كل ابن أنثى وإن طالت سلامته يوماً على آلة حدباء محمول وماوقفت الا في شنطة كرسيدا كانت متعطله عند الاشارة.
رجعت البيت ولازالت فكرة التغيير في راسي فكرت وش اسوي وش اسوي قلت ليش مانام اليوم وبكرة اكمل مشوار التغيير . اصبح الصبح ولازالت فكرت التغيير موجودة وفي الاخير فكرت وقلت ليش الواحد مايحمد الله على ماهو عليه من الحال ولايحاول ينظر للاخرين ويتمنى ماعندهم يعني شفت واحد صار تاجر تصير تفكر كيف تصير تاجر واحد صار رجل اعمال صرت تفكر كيف تصير رجل اعمال واخر شي قررت اني اروح الان و اغيير زيت السيارة الشي الوحيد الذي لايحتاج الا كتاب تطوير الذات ولا يحتاج احدى يملئ فنجانك فقط البنشري يملئ مكينة سيارتك.
تحياتي لكم
