::::::::::::
في يوم من الايام كنت امشي في الطريق ووجدت فانوس سحري على الارض في بداية الامر كنت اظنه براد شاي قد نسيه احد الاشخاص ,انسان على نياتي وتفكيري سطحي , ولكن عندما حملته في يدي طلع فعلا فانوس سحري, وطبعا قمت بفركة يعني فانوس سحري وش الواحد يسوي به اكيد يفركه وفركته بكل قوة ولم يطلع المارد, قلت لنفسي يمكن ما في ابراج يعني ما في تغطيه للشبكة ابتعدت قريبا حتى وصلت الى مكان مرتفع وقمت بفركة مرة ثانية بقوة ولكن ايضا لم يظهر لي شي وكل ما حاول افرك يفصل معي الفانوس ويعطيني مشغول.
في اليوم الثاني وانا جالس في الحديقة وقاعد افرك في هالفانوس السحري افرك, افرك, افرك مر علي احدى الاشخاص وقال لي وهو متعجب!! ماذا تفعل ؟
قلت له: قاعد اسرح شعري؟! يعني شايف الفانوس في يدي وقاعد افرك فيه وتسالني وش قاعد تسوي؟ قاعد احاول يطلع المارد من الفانوس لانه اخذ مني 500 ريال ولا رجعها.
قال لي وهو يضحك: ياخي هذا الفانوس لايعمل بالفرك بل يعمل بالتتش (touch) يعني باللمس. قلت اه يعني بس اللمس الفانوس ويطلع المارد
قال لي نعم.
اخذت الفانوس ورحت البيت وبحركة بسيطة طلع لي المارد. طبعا اول ماطلع كان يضحك قلت له وش الي مضحكك يابو الشباب, قال ياخي انت قاعد تدغدغني من امس قلت بالله عليك يعني قاعد متمدد داخل الفانوس وتضحك وانا انتظرك, المهم الغريب في الموضوع انه كان مشخص يعني لابس شماغ وعقال.
قلت له :ماشاء الله حتى انتم في الفانوس وصلتكم السعودة,
قال : ايه نعم,
قلت: اجل بطلبك طلب بسيط
قال : اطلب.
قلت: ابغى بيت بحوش.
قال لي: عادي قدم على صندوق التنمية العقاري.
قلت له: الحين انت مارد ولا موظف في الصندوق.
قال لي: تبغى الحقيقة انا موظف .بس مو في الصندوق ,في الفانوس
قلت له: طيب وش طبيعة عملك.
قال لي: ابد موظف استقبال في الفانوس السحري اي واحد يفرك الفانوس اطلع له بس ولا اقدر اسوي شي. يعني ماعندي اي صلاحيات.
قلت له: اجل انت عطني ملفك وانا اضبطك, اعرف لك واحد معاه براد شاي يعجبك اخليه يوظفك فيه مساعد نعناع يعني الواحد يفرك البراد وانت مره تطلع ومره يطلع النعناع,عاد نسقو بينكم.
وفجأة وصلته رساله
طلع الجوال المارد ولا رساله من مين؟؟؟
من حافز
يعني حتى المارد وصلته رساله من حافز
قلت له مادام جتك رسالة من حافز فأمورك ميسرة ان شاء الله. الحين سؤال ياحافز ارسلتو للعالم كلهم ليش؟
بعد ماجته الرسالة رجع للفانوس مسكته قبل مايدخل وقلت له بس لو سمحت رجع لي الـ500 ريال
قال لي ان شاء الله اول راتبه استلمه من حافز ارجع لك الـ 500.
