25 أبريل 2009
عزوز
1٬033 مشاهدة
يوم في النادي

::::::::::::::::::::::::::::::::::::::::::::::::::::::::::::::::::::::::

هذا اول يوم لي في النادي الرياضي

دخلت وماسمع غير اصوات الحديد وهو يضرب في الارض
والمدرب هناك يصرخ
وناس تلهف
كانهم قاعدين يتعذبون ماكانهم يتدربون

وماتشوف غير كوم من اللحم يمشي قدامك

احيانا تحس انهم بشر زيك زيهم
واحيانا يروح تفكيرك بعيد

ان شاء الله اول مايرجع تفكيري راح اقول لكم ليش راح تفكيري بعيد

دخلت وجلست اطالع في الصور حقين كمال الاجسام
وش اجسام
وش عضلات

بعدين طالعت في نفسي
وقلت وش جابني هنا؟؟
شكلي مضيع
والله لو اروح صالة بيتنا انه احسن من صالة الحديد

وانا اتجول في الصالة
شافني المدرب من بعيد ورمى الي في يده وليته مارمى الي في يده

وشوي صاح احد المتدربين

الله يهديه رمى الاثقال على اصابع رجل واحد من المتدربين

جاني ومد يده يبي يصافحني الاخ
طالعت فيه وضحكت
هههههههه
قلت له: خير وش تبغى وبعدين عيب عليك خلك رجال ومد يدك مو تخلي اكبر عيالك يصافحني وانت جالس
طالعت في يده
وقلت : هذي يدك !!! والله ماصافحك
هذه مو يد ماشاء الله
هؤلاء عائلة كاملة من الايادي كيف جمعتهم ؟ ومتى جمعتهم؟
هزها مرة ثانية للتاكيد يعني يقول صافحني

قلت له طيب ان شاء الله
واحط رجلي ومع الباب واهرب من الصالة
ولما وصلت لباب حصلتهم يقفلون علشان الصلاة
رجعت
وادخل يدي في جيبي
ومن حسن الحظ كان في جيبي زرادية

وانا اقول وشفيني مايل على جنبي الايمن من يوم دخلت الصالة
فكرت ان الصالة مايلة طلعت الزرادية

وامد يدي قصدي الزرادية
وهو الي ياخذ الزرادية من يدي
ويثنيها ويرجعها لي
قلت له: شكرا

اذا كانت الزرادية صارت كذا اجل لو كانت يدي وش كان صار لها
كان صارت مفروم لحم

المهم ابتسم في وجهي ورحب فيني
اكيد بيبتسم دافع فلوس مو ببلاش

وقال لي روح اركب الدراجة الي هناك
طالعت فيه
وقلت له: استحي على وجهك الحين انا جاي اتدرب ولا جاي اللعب
وش روح اركب الدراجة هذي؟

الحمد الله انه مايفهم عربي المدرب

ورحت واركب الدراجة وبسم
الله وابدا

وشوي طلعت من الصالة بالدراجة

واخذ لي اربع لفات حول الحارة

واوقف عند بقالة واباشر على كل الموجودين

وارجع الصالة وانا منتهي ماعاد اسوى ريال

وشوي وماسمع غير صياح في الصالة
واسمع واحد يقول وين دراجتي؟ وين دراجتي؟

والله لكسر الي سرق الدراجة
عاد انا اكره شي عندي ان الواحد يسرق شي مو له

وادخل الصالة وانا كلي ثقة واحط الدراجة على جنب
حتى ماحطيتها رميتها

وامشي ولا احد قدي
وفجاة اصدم في كيس طحين

لا صراحة اسغفر الله العظيم الكذب مايجوز مو كيس طحين اعتقد انه كيس رز

لا حتى مو كيس رز ولا طحين
كيس كرشة

طالعت فيه ولا ماشاء الله تبارك الله
دورين وملحق
وتشطيب ديبلوكس

قلت له: خير يابو وش فيك تصارخ !!؟؟؟

طبعا انا مسوي فيها قوي

وليتني ماقلت خير وليتني ماسويت فيها قوي

لاني من بعدها ماشفت الخير

اول مرة اعرف ان النادي فيه اربع جدران

طبعا
طلعت من النادي وانا كلي عضلات بس عضلات من نوع الكدمات خاصة في العين

بس الحمد الله على الاقل الواحد يعرف انه لو حب يركب الدراجة وشافها تمشي يحاول انه يرجعها لانها اكيد مو له لواحد ثاني

لكن الحمد الله على السلامة

والى اللقاء في كدمات اخرى قصدي مغامرات اخرى

اترك تعليقاً

لن يتم نشر عنوان بريدك الإلكتروني.