17 نوفمبر 2010
عزوز
820 مشاهدة
خروف العيد

 

 

 

shap

 

اولا كل عام وانتم بخير اليوم كان يوم حافل بالأحداث فهو يوم العيد الاضحى,خرجت من البيت للبحث عن خروف العيد وكنت اسمع قبل يوم العيد بان الاسعار مرتفعه ولكن قلت لزم اسأل بنفسي. طبعا احب اقول لكم الفكرة التي جت على بالي قبل مافكر اني اشتري خروف فكرت اشتري دجاج واذبحه لكن غيرت تفكيري.

 

مريت على واحد جالس في الظل وأمامه مجموعة من الاغنام كل اوحد يقول للثاني يارب ما يأخذني.نزلت من السيارة ورحلت للشخص الي جالس وسالته عن الاسعار وليتني ماسالت قال لي اقل واحد بـ1500 ريال قلت ياخوي انا ابغى خروف مابغى ديناصور السعر هذا يجيب لي خروفين 2010م قال لي هذه الاسعار تبغى ولا مع السلامة,

يالله وش هالعالم وش هالثقة وش هالاسعار يعني تبغى ولا مع السلامة غيرك راح يشتري يعني  اصبح تطبيق السنة مكلف بسبب بعض الاشخاص الذين لايبالون غير بجمع المال مافي احد فكر ينزل في الاسعار مساعدة اصحاب الدخل المحدود وبعدين  هذة الاضحية ماهي الا تطبيق سنة الرسول صلى الله وعليه وسلم ولو تجي في غير الموسم تحصلها ارخص لكن هذا هو الواقع .شريت الخروف ودفعت 1500 ريال رغم انفي , وبعد ذلك ذهبنا به الى اشخاص يقومون بالذبح والسلخ وقامو بنحره وتقسيمه في اكياس وتم تقسيمه على الجيران وطبعا هذا اجمل مافي الاعياد هو ان الجيران يتذكرون بعضهم البعض.

هذه مجرد تدوينة بسيطه اتمنى ان تنال اعجابكم.